بقلم ريحانه الجنة

الذي لا نستطيع التحكم به ليتنا تستطيع وهبه لمن يحبنا وليس لمن احببناه ولم يشعر بنا. اااااه منك يا قلب فأنت لك قانون خاص بك تفعل ما يحلو لك. وصدق من قال القلب ليس له سلطان هو سلطان نفسه...هو سيد مملكته يتملك ويأمر والچوارح تطيع في صمت وزل.... شعر بدموعها وصمتها مد انامله ورفع وجهها ليقابل عسليتها الحزينة.. مروان بحب والم في آن واحد انا عارف انك مش بتحبيني زي ما بحبك.

ولحد النهاردة مش عارف السبب اللي خلاكي تتجوزيني وانتي مش بتحبيني. بس كل اللي عايزك تفهميه. اني يمكن ماحبتكيش في الاول كنت معجب بيكي وبس. بس والله العظيم حبيتك من كل قلبي. وعايزك تديني فرصة اخليكي تحبيني او علي الاقل تحبي عشرتي واكون ليكي الزوج والسند وعمري ما هطلب منك فوق طاقتك.

ومش هطلب اسمع منك كلمة بحبك. عايزك يوم ماتقوليها تكوني حساها. ولو ماحستيهاش ماتقوليهاش. كفاية انك تبتسمي في وشي. واوعدك اكون اب تفتخري بيه لابنك اوبنتك اللي جاي. بس انتي كمان توعديني تحاولي تحبيني ممكن وانا هساعدك.. بس حاااولي علشان خاطر ابننا اللي جاي... كانت تسمعه وهي تتقطع الما عليه احقا بداخله كل هذه المشاعر والحنان. احقا هي عمياء لا تري كل هذا الحب. احقا هو يحبها لهذه الدرجة.

عذرا يا زوجي ولكن اعدك اني سوف اتغير واشعرك بالسعادة وسأعمل جاهدة لانتزع حبه من قلبي وازرع حبك انت. اعدك... خديچة بدموع اوعدك ... اوعدك يا مروان. بس ارجوك خاليك جنبي. واوعي تتغير خاليك كدة حبني يا مروان بصدق وانا اوعدك ححاول والله ههحاول. مروان انا جنبك وتحت رجلك بس انتي خاليكي جنبي... عاد المنزل وهو حزين يحتل ومسدت رأسه بدفئ وهي تخلل اصابعها في خصلاته السوداء الغزيرة.

فاطمة مالك يا ابني فيك ايه حساك مش مبسوط ليه دايما ساكت ومهموم كدة. فضفضلي ده انا امك حبيبتك.!! ابتسم وفتح عيناه ورمقها پألم واخرج تنهيدة مريرة زينولا حاجة يا ست الكل انا بخير بس مشغول شوية... فاطمة بخبث بس انا عارفة مالك. انا فاهمة كل حاجة... رمقها بدهشة عارفة! عارفة ايه!! فاطمة بإبتسامة انت شكلك كدة غيران من اخوك.

عايز تتجوز وتخلف زيه. مش كدة... تنهد براحة وابتسم بسخرية ومين بقي اللي قالك كدة. انا مش عايز اتجوز. كدة اريح... فاطمة بعبوث ليه كدة يا ابني ده انا هتجنن علي اليوم ده. نفسي افرح بيك زي اخوك كدة ليه عايز تحرمني من اليوم ده... وبكت والدته بحزن فرق لها قلبه وقام من مقعده وجثي علي ركبتيه بجوارها.

ومد انامله ليزيل دمعها. زين ليه بس الدموع يا حبيبتي. ثم تنهد بتعب. هو مش انت فرحانة بمروان وديچة والبيبي اللي جاي. انشغلي بيهم وسبيني بقي مع نفسي. انا مش بفكر في الجواز دلوقتي... فاطمة وبكائها يزداد انت بتقول ايه . فرحتي باخوك عمرها ماتنسيني فرحتي بيك. انتم الاتنين ولادي. وعايزة اتطمن عليك زي ما اتطمنت علي مروان. واكملت بلين ورجاء. وبعدين صدقني الجواز بيريح البال ويغير البني آدم.