نخرج ونتكلم ونشوف هنوصل لفين من غير ضغط ومن غير ماضي يطاردنا. قالت له ممكن. بس بشروطي. قال لها ايه هي؟ قالت له انك متشوفنيش كبنت صغيرة محتاجة حماية. تشوفني كست قوية واقفة جنبك. وانك لو في يوم حبيتني بجد متقوليش قدام مدرج. قولهالي وانا وانت لوحدنا. وانك تسيبني أكمل حلمي وأبقى دكتورة كبيرة. قال لها موافق. بس انتِ كمان توعديني انك متختفيش تاني. لو زعلتي مني تيجي تقولي لي في وشي.
ولو احتجتي أي حاجة في رسالة الماجستير أنا جنبك كزميل مش كأستاذ عليكي. مدت إيديها وقالت وعد. وكان الغروب نازل على البحر. وهي واقفة جنبه مش بتعيط زي زمان. واقفة بتبتسم. ابتسامة واحدة عارفة قيمة نفسها كويس. وهو واقف جنبها لأول مرة مش شايفها طالبة صغيرة. شايفها حبيبة قوية تستاهل انه يحارب عشانها كل المبادئ اللي كان فاكر انها صح. ليلتها بعد ما روحت نيره الفندق فضلت سهرانة تفكر.
كانت حاسة بقلبها بيدق تاني بس المرة دي دق مختلف. مش دق البنت المراهقة اللي بتجري ورا حب مستحيل، ده دق ست عارفة هي عاوزة ايه. مسكت تليفونها لقت رسالة من خليل بيقولها شكراً انك اديتيني فرصة تانية أكون بني آدم أحسن. ابتسمت ومردتش في ساعتها. سابت الرسالة للصبح عشان متبقاش البنت اللي مستنية الرد. تاني يوم في المؤتمر كانوا قاعدين جنب بعض في البريك.
أميره كانت جاية تحضر معاها وشافت خليل قاعد معاها اتصدمت وبعدين غمزت لنيره. خليل قام سلم عليها وقالها ازيك يا أميره نيره حكت لي كتير عن وقفتك جنبها. أميره قالت له كنت عارفة انكم هتتقابلوا تاني. القلوب النضيفة لازم تتقابل. خليل بص لنيره وقال لها ايه رأيك نتغدى سوا بعد ما المؤتمر يخلص؟
قالت له موافقة بس كل واحد يحاسب لنفسه احنا زمايل. ضحك وقال لها اتفقنا يا زميلتي العزيزة بس المرة الجاية أنا اللي هعزمك لما تبقي موافقة تديني فرصة بجد. النهاية اللي كانت موجعة بقت بداية نضيفة ومحترمة تليق بيهم هما الاتنين. وكل محاضرة أخيرة ممكن تكون أول حكاية حب حقيقية وجميلة.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.