تدريب ابني حكايات نيمو محمد

ابني كان بيرجع من تمرين الكورة كل مرة بحالة تخوفني لكن اللي اكتشفته بعد كده خلاني أشك إن الراجل اللي عايشة معاه مش هو الشخص اللي أعرفه قصة نيمو محمد من يوم ما ابني يوسف اللي عنده ست سنين بدأ يروح تمرين الكورة مع أبوه أحمد وأنا ملاحظة إن فيه حاجة غريبة بتحصل كل مرة كانوا بيرجعوا فيها من التمرين كنت بلاقي يوسف مش على بعضه وكأنه مش قادر يستوعب اللي حواليه وعلامات حمرا غريبة

على دراعاته في الأول كنت بقول يمكن بيتعب من التمرين أو بيقع وهو بيلعب مع العيال لكن الموضوع اتكرر أكتر من مرة لحد ما قلبي بدأ يقبــ,,ـــــضني كنت كل ما أسأل أحمد عن اللي بيحصل يرد عليا بنفس البرود ويقولي مالك يا منى هو انتي هتفضلي مكبرة الموضوع كده ليه ده عيل صغير وبيجري ويلعب طبيعي يتخبط شوية كنت بسكت لكن جوايا كان فيه صوت بيقولي إن الموضوع مش طبيعي أحمد كان دايمًا بيتعامل مع

يوسف بقسوة غريبة ومش بيستحمل منه أي غلطة حتى لو كانت بسيطة وكنت كل ما أحاول أدافع عن ابني يبصلي بصته اللي بتخليني أبلع كلامي لحد ما جه يوم التلات اللي قلب حياتي كلها اليوم ده أحمد رجع من التمرين وهو شايل يوسف بين إيديه والولد كان ساكت بشكل يخوف جريت عليهم وأنا قلبي بيدق بسرعة وخطفت ابني من حــ,,ـــــضنه يوسف يا حبيبي مالك إيه اللي حصلك حاولت أفوقه لكنه كان مرهق ومش قادر يتكلم