نرمين شهقت وبصت لفارس اللي كان نفسه بيعلى وينزل بعنف كل السنين دي وهو شايل كرهه لأبوها وعايش على فكرة الانتقام وفجأة أمه بتقوله إن كل اللي كان مصدقه ممكن يكون كدبة فارس مسك طرف الترابيزة بقوة وقال مين السبب يا أمي؟ عواطف بصت ناحية الباب بخوف وقبل ما تنطق سمعوا صوت طلقة نار جاية من بره القصر الخدم صرخوا والحراسة جريت ناحية البوابة فارس سحب نرمين وراه بسرعة وحماها بجسمه وهو بيصرخ في رجاله اقفلوا البوابة محدش يخرج من هنا!
نرمين كانت بتترعش وهو لسه حاضنها من كتفها رفعت وشها له وقالت إنت كويس؟ فارس بص لها للحظة كأنه نسي كل اللي حواليه وبعدين سابها بسرعة وقال خليكي جنب أمي ومتتحركيش لكن قبل ما يمشي مسكت إيده فارس وقف وبصلها لما ترجع عايزة أعرف الحقيقة كلها بص في عينيها وقال بصوت هادي على غير عادته هتعرفي يا نرمين وبعدين قرب منها وهمس بس لو الحقيقة طلعت زي ما أنا خايف لازم تعرفي إن من اللحظة دي حياتنا إحنا الاتنين مش هترجع زي الأول خرج فارس يجري ناحية البوابة وساب نرمين واقفة في مكانها وبعد دقايق رجع واحد من رجاله بيجري وهو ماسك ظرف أسود قال بصوت متقطع يا فارس بيه لقينا ده جنب البوابة ومعاه رسالة ليك فارس فتح الظرف وقرأ المكتوب ابعد عن بنت السيوفي لو عايز تعرف مين قتل أبوك فارس رفع عينيه ببطء ناحية القصر وبعدين بص ناحية الشباك اللي كانت نرمين واقفة وراه وقال بصوت مليان غضب المنشاوي لكن اللي فارس ما كانش يعرفه إن نرمين كانت واقفة ورا الباب وسمعت الاسم وأول ما سمعت اسم المنشاوي افتكرت الورقة اللي وصلتلهم في البيت نفس الاسم نفس التهديد وفجأة تليفونها رن برسالة من رقم مجهول فتحتها وإيديها بتترعش وكان مكتوب فيها لو عايزة تعرفي حقيقة أمك وأبوكي اسألي فارس عن الليلة اللي اتولد فيها نرمين رفعت إيديها على بقها من الصدمة الليلة اللي اتولدت فيها؟
إيه علاقة فارس بميلادها؟ وليه كل الناس دي خايفة إنها تعرف الحقيقة؟ وفجأة سمعت صوت عواطف من وراها يا بنتي... نرمين لفت لها عواطف كانت واقفة عند باب الأوضة ووشها شاحب وقالت بصوت مكسور في سر لازم تعرفيه قبل ما فارس يرجع إنتي مش البنت اللي أبوكي قالك عليها طول عمرك يتبع.
.. 🔥 نهاية الفصل الثالث 🔥 يا ترى نرمين مين بجد؟ وإيه اللي حصل ليلة ميلادها؟ وهل فارس هيكتشف إن انتقامه كله كان مبني على كدبة؟ الفصل الرابع جاي وفيه سر هيقلب حياة فارس ونرمين رأسًا على عقب بقلم نيمو محمد ❤️🔥
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.