سيبها معلقه 2 حكاوى شيمو

الأخير دخل المقابلة وهو فاكر إنه رايح يسمع اعتراف يهز الدنيا لكنه خرج منها وهو مش قادر يبص لنفسه في المراية. قعد قدام زوجها السابق، وهو متوتر ومستني يسمع منه أي حاجة. قال له إنت قلتلي إنك هتحكيلي الحقيقة اتفضل. الراجل بص له بهدوء وقال الحقيقة إن مراتك لما اتجوزتك كانت بتحبك، وفضلت متمسكة بيك سنين رغم كل اللي حصل.

سكت شوية وكمل لكن لما سافرت السعودية، وعدتها إنك هترجع بعد كام شهر والكام شهر بقوا سنة، والسنة بقت سنتين، وبعدين تلاتة. قال بعصبية أنا كنت بشتغل وببني نفسي! رد عليه هي كانت بتقول نفس الكلام لنفسها كانت بتقول أكيد ظروفه صعبة، أكيد هيرجع. ثم أخرج من ملف كان أمامه بعض الأوراق. وقال لكن كل مرة كانت تتصل بيك وتطلب منك تنهي حياتها معاك، كنت تقول لها نفس الجملة.

سكت الرجل. فقال له كنت بتقول لها مش هطلقك خليكي معلقة. نزل الرجل عينه في الأرض. وكمل زوجها هي في البداية كانت بتبكي وتطلب منك ترجع. بعد كده بقت تطلب الطلاق بس. وبعد ما فقدت الأمل تمامًا، راحت لأهلها وقالت لهم أنا مش عايزة منه فلوس ولا عايزة منه حاجة أنا بس عايزة أعيش.

قال الرجل بس أنا ما كنتش أعرف إنها هتتجوز! رد عليه وهي كانت تعرف إنك ناوي تسيبها معلقة؟ سكت. قال له إنت كنت شايف إنك لما تمنع عنها الطلاق تفضل ملكك وهي كانت شايفة إنك لما ترفض ترجع لها، بتقول لها بشكل غير مباشر إنك مش عايز تكمل. ثم قال راحت المحكمة، وخدت الخلع. وبعدها بفترة قابلتني. رفع الرجل عينه وقال ووافقت تتجوزك بسهولة؟

ابتسم ابتسامة حزينة وقال لا خالص. كانت خايفة. كانت بتقولي أنا مش عايزة أعيش تجربة تانية وأتوجع. وأنا قلت لها مش مطلوب منك تنسي اللي حصل، ومش هطلب منك تثقي فيا من أول يوم. خدي وقتك. ومع الوقت بدأت تثق فيه. اتجوزوا. وبعد فترة سافروا قطر. وبنت بيت جديد. وبقى عندهم طفلين. هنا الرجل ما قدرش يمنع نفسه من السؤال هي كانت سعيدة؟ الراجل بص له وقال أيوه.