فريدة

عارف انك مش طايقاني وانا كمان مش طايقك بس ده مشروع تخرج ولازم نخلصه فخلينا نشتغل وخلاص من غير مشاكل فريده قالت له وانا موافقه بس بشروطي انا اللي هكون الليدر بتاع التيم وكل حاجه هتمشي بكلامي اسر ضحك وقال لها لا يا حبيبتي احنا الاتنين ليدر وكل حاجه بالنص بدأوا الشغل في مشروع التخرج وكان كل يوم خناقه جديده فريده عايزه تعمل حاجه واسر عايز يعمل حاجه تانيه وكانوا بيقعدوا في المكتبه بالساعات يتخانقوا

وبلال صاحب اسر كان دايما بيحاول يهدي الجو بلال كان ولد طيب وجدع جدا وكان بيحب غاده من بعيد ومش عارف يقول لها وغاده كانت بتحب بلال برضه بس كانت بتتكسف وياسمين كانت بتحاول تصلح بين فريده واسر كل شويه في مره كانوا قاعدين في المعمل بيشتغلوا وفريده كانت مركزه جدا في اللاب توب بتاعها واسر كان بيبص عليها وهي مش واخده بالها وفجأه قال لها على فكره انتي لما بتركزي بتبقي شكلك حلو فريده

بصت له بقرف وقالت له احترم نفسك يا اسر وخليك في شغلك قال لها خلاص يا ستي بهزر معاكي انتي قفوشه اوي كده ليه الايام عدت والمشروع بدأ يظهر له ملامح وفريده بدأت تلاحظ ان اسر مش مغرور زي ما كانت فاكره بالعكس كان شاطر جدا وبيساعدها وبيشيل عنها حاجات كتير وكان بيجيب لها قهوه كل يوم الصبح وهو عارف انها بتحب القهوه زياده وبدأت نظرتها له تتغير شويه بشويه بس كانت بتكابر ومش عايزه

تعترف الدكتور ياسين كان بيتابع شغلهم اول بأول وكان دايما بيديهم ملاحظات قويه جدا وكان بيضغط عليهم جامد وخصوصا على فريده كان بيعاملها بطريقه غريبه اوي ساعات يكون بارد جدا وساعات يكون مهتم بيها زياده عن اللزوم وفريده كانت مستغربه جدا من معاملته دي في يوم كانت فريده قاعده لوحدها في المعمل بتعيط عشان جزء في المشروع مش راضي يظبط معاها وفجأه دخل الدكتور ياسين وشافها بتعيط قرب منها وقال لها مالك يا فريده بتعيطي

ليه قالت له مفيش حاجه يا دكتور بس المشروع فيه مشكله ومش عارفه احلها قال لها طب احكيلي وانا هساعدك وفعلا قعد جنبها وبدأ يشرح لها بهدوء غير عادته وفريده لاحظت انه قريب منها اوي وبيبص لها بطريقه غريبه خلتها تتوتر وقامت بسرعه وقالت له شكرا يا دكتور انا هكمل لوحدي فريده حكت لياسمين وغاده اللي حصل وياسمين قالت لها غريبه اوي الدكتور ياسين عمره ما عمل كده مع حد ده بارد مع الكل اشمعنى

انتي غاده قالت لها بهزار شكله معجب بيكي يا فريده فريده قالت لها بطلي هبل يا غاده ده دكتور كبير ومتجوز وعنده عيال كمان مستحيل بعدها بكام يوم كان عندهم ميتنج مع الدكتور ياسين عشان يعرضوا عليه اللي وصلوا له في المشروع وفريده واسر دخلوا المكتب وكانوا مبسوطين باللي عملوه الدكتور بص على الشغل وقال لهم الشغل كويس بس اسر انت لازم تقلل كلامك مع فريده وتركز في شغلك بس واسر استغرب وقال له انا

مركز يا دكتور والله الدكتور قال له ببرود انا شايف انك بتضيع وقت كتير في الهزار معاها وده مش صح اسر اتضايق جدا وخرج من المكتب متعصب وفريده خرجت وراه وقالت له مالك اتعصبت ليه قال لها هو الدكتور ماله بيتكلم معايا كده ليه كأنه بيغير عليكي فريده ضحكت وقالت له تغير ايه يا مجنون ده دكتور بارد ومعقد بس الكلمه علقت في دماغ فريده وبدأت تربط الاحداث ببعضها ليه الدكتور اصر انها تشتغل مع