قسـ,ـوة حما مصطفى جابر 2

رهف بحزن: وابقي انا اللي ظلمته بص يا ياسين اقفل الموضوع بعد اذنك معرفش اي خالاك تفتحه اصلا. ياسين بهدؤء: خلاص نغير الموضوع بقا .. تحلي ب رز ولبن ولا ام علي. رهف بابتسامة: الاتنين طبعا يلا اطلبهم بقا. ياسين بضحك: عيوني ليكي يا رهوفه. رهف ابتسمت.. عند يوسف و نفين. يوسف بتوتر: احم كنت عاوز اخد رايك في حاجه طلبتها من ياسين بس قولت له اسالك الاول.

نفين بابتسامة: اتفضل يا يوسف. يوسف بهدؤء: بصراحه انا طلبت ايدك من ياسين وهو موافق و كنت عاوز اعرف رايك يعني. نفين بكسوف ووشها احمر: ماهو يعني بص هبعت لك الرد مع ياسين سلام. سابته وجريت وهو ضحك علي كسوفها.. بعد شويه.. في بيت ياسين.. نفين بفرحه: انا موافقة يا ابيه. ياسين بابتسامة’ انا عارف من الاول انك موافقة بصراحه انتو مفضوحين اوي.

نفين بكسوف: ا ازاي يعني يا ابيه هو يوسف قالك اي بالظبط يعني. ياسين بغمز: هو مقالش بس انتي باين عليكي وهو باين عليه و انتو الاتنين مخبيين ولا انتي كنتي هتعترفي ولا هو كان هيعترف انه بيحبك . نفين بخبث: زيك انت و رهف كدا يا ابيه بس الفرق انك مخبي علي نفسك ومش راضي تعترف انك بتحبها. ياسين بهدؤء: فكك من الموضوع دا يا نفين وجهزي نفسك يا عروسة يوم الجمعه قراءة الفاتحه.

نفين حضنت ياسين.. عند رهف.. يوسف بهدؤء: مالك يا رهف ليه زعلانه من اول ما جينا. رهف بهدؤء: مش عارفه يا يوسف حاسه اني متلغبطه اوي وتفكيري واخدني لحتة تانيه. يوسف بخبث: لحتة تانيه مع ياسين مش كدا مستغربة نفسك انتي ليه قاعده عمالة تفكري فيه وانتو يدوب متقبلتوش غير كام مرة.

رهف بحزن: مينفعش افكر فيه يا يوسف عارف ليه لاني منفعش حد تصبح علي خير. دخلت تنام. يوسف لنفسه: تنفعيه لانه هو كمان بيحبك عينك فضحتك يا رهف حبتيه و بتكابري. تاني يوم.. رهف كانت قاعده علي البحر جه قعد جنبها: مبترديش ليه يا هانم. رهف بصدمة وخضة : انت جيت هنا ازاي وبعدين ارد علي اي في اي.

ياسين بضحك: اهدي ياختي انا رنيت عليكي كتير مش بتردي ف عرفت انك هنا جيت اقعد معاكي شويه. رهف برفع حاجب: مسمعتش التليفون وبعدين تعالى هنا انت عرفت مكاني منين انشاء الله انت مراقبني. ياسين بحنان: انا عارف كل خطواتك و عارف بتحبي اي وبتكرهي اي كمان. رهف بصت له باستغراب.. ياسين طلع شوكولاته’ ودي ليكي. رهف بهدؤء: انت بتعمل معايا كده ليه يا ياسين.

ياسين بحب: هتعرفي يوم قراءة الفاتحه بتاعت اخوكي واختي تيجي ناكل درة وبطاطا. رهف ابتسمت: ماشي بس بشرط. ياسين بحنان: اؤمري. رهف بابتسامة: نجيب بلح الشام وحمص الشام. ياسين بضحك: اوديكي الشام نفسها لو تحبي. قام و مد ايده ليها وهي قلبها دق وقامت معه… قضوا يوم حلو و ياسين كان مبسوط وهي كمان.. في مكان ما… البنت بغضب : طلقني بقولك طلقني انت اي مش بتفهم ولا عقلك متركب بالشقلوب.