قسـ,ـوة حما مصطفى جابر

الظابط بخوف: ياسين المحمدي بذات نفسه هنا. رهف بصت باستغراب ل خوف الظابط منه. ياسين ببرود: مفيش ايد هتلمسهم روح واحنا هنحصلك بعربيتي. الظابط بخوف: دي تعليمات يا باشا وحضرتك ادرا بيها. ياسين ببرود: وعشان انا ادرا بيها بقولك هنحصلك وانا بنفسي هجيبه. الظابط بخوف: تمام يا باشا يلا يا بني انت وهو. يوسف بهدؤء: وانا جاهز اروح اي حتة انا معملتش حاجه.

ياسين بهدؤء: متقلقش انا جنبك وعارف انك مستحيل تعمل كدا يلا. رهف بخوف: مش هيتحبس صح انا مليش غيره. ياسين بهدؤء: متخفيش مش هيحصله حاجه. رهف بدموع: هاجي معاكم مش هسيب اخويا. ياسين: تمم يلا. مشيوا علي القسم كلهم.. بعد شويه في القسم.. دخلت رهف وهي ماسكه في ايد اخوها. يوسف بحنان: متخفيش يا بت انا جنبك. رهف بتوتر: اخاف يسجنوك وافضل ادور اجيب لك عيش وحلاوة منين دلوقتي و الفرن بيفتح الصبح.

يوسف بغيظ: هاتي فينو انا هاكله مش هدقق يعني. رهف بغيظ: لا متبوظش النظام هو عيش وحلاوة يعني عيش وحلاوة مفيش فينو يابا. ياسين بذهول: انتو بتهزروا ولا بتتكلموا جد. يوسف بمرح: طبعا جدا يرضيك متجيبش ليا عيش وحلاوة. ياسين بغيظ: دا انتو عبط والله اتزفت ادخل خلينا نحل الموضوع دا. رهف جاية تدخل ياسين وقفها: لا مينفعش تخشي مش عاوزين زحمة علي الفاضي.

رهف بغباء: خلاص متدخلش انت وادخل انا. ياسين برفع حاجب: هتعرفي تخرجيه بدالي يعني ولا تهببي حاجه. رهف ببرود: اه هعرف هشجعه. ياسين بغيظ: هو داخل ماتش كورة يا ستي وسعي الله يرضي عنك بقي خنقتيني . خد يوسف و دخل.. رهف بغيظ طفولي: ماشي يا بو طويلة انا هوريك لما تخرجي لي . : انتي شرفتي انا كنت قادرة احبسك مع اخوكي بس عملت مردتش لانك كنتي مرات المرحوم الغالي ابني جمال .

رهف بصت وراها بغضب: انتي. سيدة ببرود: اه انا اللي هربيكي و هربي اخوكي الهمجي اللي اتهجم عليا وكان عاوز يسرقني و مد ايده عليا. رهف بغضب: انتي كدابة هو معملش حاجه انتي عاوزة اي بالظبط مش خدتي اللي عاوزاه. سيدة بهمس: لا لسه فاضل كتير لو سمعتي كلامي يا رهف هتنازل علي المحضر و علي فكره الكاميرا جايبة اخوكي وهو بيزقني يعني لابساه لابساه.

رهف بغضب: انتي عاوزة اي بالظبط مني. سيدة ببرود: هقولك بس مش دلوقتي لما اخليكم تتعذبوا شويه عشان تترجوني اقف جنبكم. رهف بجمود: عمري ما هترجاكي يا سيدة و اخويا لو مخرجش منها ف انا والله هاجي اتحبس معاه هنا بس بعد ما اخلص عليكي انتي فاهمه كله الا سندي في الدنيا. سيدة بتوتر و غضب: انتي بتهدديني يا بت انتي.

رهف بجمود: انا مش بهددك انا بوعيكي اللي يقرب من اخويا اللي حيلتي همحيه من علي وش الدنيا ..اوعي تفتكري اني هسكت لك علي ظلمك لا انا مش ضعيفه انا اقدر اعمل فيكي اللي ما يتعمل بس كنت بقول قد امي و بحترم جوزي بس عند اخويا خط احمر فاهمه. شفيق من وراها : وانتي عندك حق يا رهف يا بنتي في كل حرف وسيدة هتتنازل هتمضي علي ورقة التنازل قصاد ورقة تنازل منك انتي كمان.